دديرهاللحلول الرقمية
الأسئلةتواصل

ديرها — كل الي يحتاجه شغلك على النت، في مكان واحد.

حضورك. محتواك.
ونظامك — ديرها.

من أول ما تختار اسم وشكل لمشروعك، للمحتوى والإعلان والموقع والنظام والاشتراك الرسمي والدورة الي تمشّيك بروحك. نفهمو شن تحتاج، ونفذوه بطريقة واضحة.

شوف خدمات ديرها احكيلنا شن تبي
مجرد مثال — مش عميل حقيقي
المحادثةمتصل توا
نبي نرتب شكل مشروعي10:42 ✓✓
ونبي محتوى يوصل للناس10:42 ✓✓
وموقع يلمّ كل شي10:43 ✓
يكتب توا
طلب جديدمجرد مثال

الخطة وضحت

البداية
حضور وهوية
بعدها
محتوى وموقع
الحالة
جاهز نرتبوه
ست طرق تخلي شغلك أوضح

شن ناقص مشروعك توا؟

اختار الحاجه الأقرب ليك، وديرها توصلها بين يديك.

ديرها | حضور

نجهزو حضور يخلي مشروعك معروف من أول نظرة.

هوية واضحة، صفحات مرتبة، واتساب أعمال، ملف تعريفي وبريد رسمي يخلو كل نقطة تواصل تحكي بنفس الصوت.

مجرد نموذج
اسم المشروع

الزبون يفهم شغلك
من أول سطر.

كلام واضح، وخطوة جاية معروفة.

خدمات ديرها

أي حاجه رقمية، في مكانها الصح.

كل قسم عنده دور واضح. نقدرو نبدأو بخدمة واحدة، أو نركبو لك أكثر من خدمة على حسب مشروعك.

احكي لنا شن تبي ترتّب
كيف نخدمو؟

من رسائل متفرقة
لحاجه مرتبة تخدمك.

1

نسمعو منك

نفهمو كيف ماشي شغلك توا، وشن الحاجات الي تاخذ منك وقت أو تضيع بين الرسائل.

2

نجهزو أول نسخة

نوصّلهالك بكري ونجربوها معاك، قبل ما نكملو باقي التفاصيل.

3

نشغلوها معاك

نطلعوها للخدمة، نشرحلك كيف تستعملها ونعدّلو الي يحتاج تعديل.

ونديروها معاك خطوة بخطوة.

من الأول كل شي واضح

قبل ما نبدأو، نكتبو كل شي.

«السعر النهائي كم؟» 12:51 ✓✓
القيمةنحدّدوها بعد ما نفهمو المطلوب، ونكتبوها بالدينار قبل ما نبدأو.
«شن داخل في الخدمة؟» 12:52 ✓✓
شن داخلنقولك شن بنسلّمو، وشن نبو منك، وشن ينحسب زيادة.
«وبعد ما يشتغل؟» 12:53 ✓✓
بعد ما يشتغلنتفقو من الأول على المتابعة والتحديث والصيانة.
«كيف نضمن إنه تم؟» 12:54 ✓✓
إثبات وسياسةكل طلب مسجّل، والتسليم والاسترجاع مكتوبين قبل ما تدفع.
شن معناها «أي حاجه رقمية»؟

حاجه تتنفذ وتتسلّم رقمياً: هوية، محتوى، إعلان، موقع، تطبيق، نظام، اشتراك أو تدريب أونلاين.

الحد الي ما نتعدّوهش

ما نبيعوش عملة أو تفاعل وهمي، وما ندخلوش حسابك. الاشتراكات تكون بكود، هدية، دعوة أو قناة رسمية واضحة.

ديرها معاك — مساعدة رقمية مجانية

مدام وصلت لديرها، ما تطلعش إلا وأنت مستفيد.

حتى لو ما طلبتش خدمة: نقفو معاك في خطوة رقمية صغيرة وآمنة، وأنت الي تتحكم في حسابك من جهازك.

شوف المساعدات المجانية
من الي بيخدم على شغلك؟

تعاملك معانا مباشر من أول رسالة لين نسلّموك.

ديرها مشروع صغير، وهذي ميزة عندنا: نفس الشخص الي يفهم شغلك يتابع معاك ويشرحلك كل شي وقت التسليم. ما تضيعش بين حسابات وأقسام.

قبل ما تبدأ معانا

كل الي ممكن تسأل عليه.

عندي صفحة فيسبوك، شن تقدرو تحسنو فيها؟

نراجعو شكل الصفحة وكلامها ومحتواها، وبعدها نقولك لو تحتاج هوية، محتوى، إعلان أو رابط ثابت يجمع خدماتك. نبدأو بالحاجه الي فعلاً ناقصتك.

كيف تنفذو الاشتراكات الرقمية؟

عن طريق كود رسمي، هدية من المنصة، دعوة على الإيميل أو حساب موزّع معتمد. ما نطلبوش كلمة سرك ولا رمز التحقق، والخدمة تتأكد حسب دولة حسابك قبل الدفع.

شن سياسة الاشتراكات والاسترجاع؟

القيمة النهائية توصلك مكتوبة بالدينار قبل الدفع. لو ما نفذناش الطلب نرجعو القيمة كاملة، ولو نفذنا جزء نكملوه أو نرجعو قيمة الجزء الناقص. بعد تسليم كود صالح أو خدمة رقمية مستهلكة، الاسترجاع يخضع لشروط المنصة والبيانات الي أكدتها.

شن تبو مني باش نبدأو؟

نبو نبذة على شغلك، المحتوى الي عندك، كيف تخدم توا، وشن النتيجة الي تبي توصللها. بعدها نحددو المطلوب.

الخدمه قداش تأخد وقت؟

على حسب حجم الشغل والمحتوى الجاهز. قبل ما نبدأو نعطوك مدة واضحة ومكتوبة.

الدومين والاستضافة على من؟

قبل ما نبدأو نوضحلك تكلفتهم وملكية الحسابات. والأفضل إن الحاجات الأساسية تكون باسمك من البداية.

لو أول نسخة ما عجبتنيش، شن يصير؟

نتفقو من الأول على عدد التعديلات وشن الي يشملوه، باش كل واحد يكون عارف شن ليه وشن عليه.

؟

ديرها لشغلك

احكيلنا على شغلك في سطرين.

جهّز ملخص واضح للمحادثة. ما نخزنوش بياناتك ولا نبعثوها.

السلام عليكم، نبي نسأل ديرها على خدمة: حضور وهوية رقمية. الي نبيه: [اكتب شن تبي هنا]

الزر يفتح واتساب بالرسالة جاهزة. ما نخزنوش بياناتك في الموقع. الرقم مستعمل لأكثر من نشاط — رسالتك توصل لديرها عادي، والاسم الي يبان مش اسم ديرها.