فتح حسابك
نمشو معاك في فتح Gmail أو Apple Account، وأنت تكتب بياناتك على جهازك.
مدام وصلت لديرها، ما تطلعش إلا وأنت مستفيد.
جلسة قصيرة نقفو فيها معاك في خطوة رقمية صغيرة، حتى لو ما طلبتش خدمة. أنت تتحكم في حسابك من جهازك، والزر يبقى في يدك.
حماية بخطوتين
نقولك كيف تربط رقم وبريد استرجاع وتفعّل الحماية بخطوتين.
ترتيب الإعدادات
نراجعو اللغة والمنطقة والإشعارات والنسخ الاحتياطي في Google أو iCloud.
مراجعة الأمان
نقولك الأجهزة المرتبطة وصلاحيات التطبيقات وكيف تطلع جهاز ضايع من الحساب.
استرجاع رسمي
نوصّلوك للمسار الرسمي ونمشو معاك في الخطوات، والطلب تقدمه أنت بنفسك.
كشف الاحتيال
نقولك الفرق بين الرسالة الرسمية والمحاولة الي تبي تسرق حسابك أو بياناتك.
حدود تحميك وتحمي ديرها
حسابك يفضل في يدك.
- ما نطلبوش كلمة سرك ولا رمز التحقق، وما ندخلوش لحسابك.
- الاسترجاع لصاحب الحساب بس، ويلزم إثبات ملكية.
- القرار النهائي في الاسترجاع عند Google أو Apple، وما نضمنوش قبوله.
- ما نخدموش حسابات جاهزة، فك حظر أو طرق تخالف شروط المنصات.
- المساعدة جلسة واحدة، حوالي 20 دقيقة، عبر واتساب أعمال ديرها.
شن الخطوة الي واقفة معاك؟
ارجع لصفحة الطلب، اختار «مساعدة رقمية مجانية»، واكتب المشكلة من غير بيانات سرية.